24.8 C
Port-au-Prince
4 août 2021
DIVERS

Babekyou deklare revolisyon an kòmanse

© %author%

Nan yon ti videyo ki dire anviwon 5 minit « Radio Ecoute fm » pibliye sou paj Facebook li jodya ki se 23 Jen 2021 an, nou kapab wè Jimmy Chérisier alyas Babekyou ak estaf « G-9 an fanmi e alye » a ak zam ak manchèt yo nan men yo kap chante: » revolisyon an kòmanse, revolisyon an kòmanse. »

« Radio Ecoute fm » pibliye jodya sou paj « Facebook » li yon ti videyo aniwon 5 minit , kote nou kapab wè Jimmy Chérisier alyas Babekyou ki pran lapawòl devan anpil nan rès manm gwoup G-9 an fanmi e alye a.

Devan yon pakèk moun kagoule, ame jouk nan dan avèk gwo zàm tout kalte, manchèt elatriye, Babekyou ki se pòtpawòl estrikti gang sa te pran lapawòl.

Ansyen polisye ki toujou ap klewonnen li se revolisyonè a te kòmanse salye kèk nan ewo nasyonal yo:  » Ayibobo pou Jan jak Desalin! Ayibobo pou Kapwa lanmò! Ayibobo pou Chalmay Peral!

Aprè salitasyon yo, ansyen ajan « Udmo » a fè konnen laprès ak òganizasyon dwa moun yo vle fè yo pase pou bandi alòske yo paka denonse moun kap plede simaye zàm nan geto yo. Paske selon li menm gwo zotobre sa yo se ta patwon jounalis ak militan dwa moun yo.

Ak fèy li nan men li, lame l dèyè li, ansyen polisye a ak tout sòlda li yo deklare:  » Revolisyon an kontinye » Ki revolisyon ? Kont ki moun ? Kesyonkèk moun ap poze tèt yo.

Kòmandan ba Dèlma a fè konnen yon kote PHTK vle fè referandòm nan enterè yo. Epi yon lòt kote Opozisyon ap mande tranzisyon pou yo ka al fè bè yo. Kòmkwa tou 2 pwotagonis sa yo se ta kabrit Tomazo menm plim menm plimay ki pa gen anyen pou wè ak pèp la a.

Babekyou ki toujou wè tèt li tankou yon lidè te tou pwofite pou abòde zafè dechoukay ki te fèt nan zòn anba Dèlma a. Babekyou di se paske ti pèp la te grangou ki fè yo te al chache manje. Li ale pi lwen pou li fè konnen se lajan ti pèp la ki anndan gwo bank yo, gwo biznis yo. Epi li di li ankouraje pèp la pou yo kontinye al chache lajan yo.

Nap raple depi fen semen pase a nèg G-9 yo te koumanse mete pye yo atè, fè chante gwo kout zàm, kote yon ajan « Cimo » te rive pèdi lavi li.

Related posts

M. Frantz Exantus installé comme nouveau secrétaire d’État à la communication

FlashInfo

Renald Lubérice approuve la mise en retraite des juges de la Cour de Cassation

FlashInfo

Lanmò san jou lance un ultimatum à l’État

Thara Layna Marucheka Saint Hilaire

Leave a Comment